Rojon'asa soa

Amin'ny Fiaviana sy ny Karemy dia mifantoka manokana amin'ny fanaovana asa soa sy hatsaram-panahy ho an'ny hafa isika. Mba hanamafisana izany, dia afaka manao ny rojon'asa soa ny mpianakavy. Tsara raha ampirisihina ny ankizy mba hanao izany koa. Ny rojon'asa soa dia rojon-taratasy tsotra izay ka isaky ny manao asa soa ianao dia afaka manampy tapa-taratasy iray ho fanampin'ny rojo.

Fitaovana ilaina

-  Taratasy miloko

-  Hety

-  Lakaoly na "scotch"

- Pencily hazo 

- Fitispika

Copy of Untitled Design
Copy of Untitled Design (1)
Copy of Untitled Design (2)
Torolalana

1- Koa manaova tapa-taratasy vitsivitsy, ary isaky ny manao asa soa na asa fiantrana ho an'ny olona iray ao amin’ny fianakavianao na amin'ny sehatra hafa toy ny any ampiasana, any am-pianarana, eo an-tanana, sns..., dia afaka maka tapa-taratasy iray dia afaka manampy amin'ny rojonao. Afaka samy manana ny rojony ny tsirairay na afaka atao rojo iray ihany no hiarahan'ny mpianakavy.

2- Afaka mampiasa loko isan-karazany ianao hanehoana karazana fiantrana isan-karazany - ohatra ny volomparasy hanaovana raharaha fanampiny, maitso hanaovana fanomezana, mavokely hanampiana olona ivelan'ny fianakavianao, sns

3- Afaka misafidy koa iana hanao fanoloran-tena mivaingana, eny na dia kely aza, araka izay mifanandrify amin'ny toem-piainana, dia hezahina mba atao izany ary tohizana mba hanomanana ny fo ho amin'ny Krismasy na Paska.

Katesizin'ny Fiangonana katolika
2447. Ny tsanganasa fiantrana dia asa fitiava-namana izay amin’izany isika no manampy ny namantsika amin’ny zavatra ilainy ara-batana sy ara-panahy1 . Ny mampianatra, ny manoro hevitra, ny mampionona, ny mampahery, dia tsanganasa fiantrana ara-panahy, tahaka ny mamela heloka sy ny mizaka fijaliana amim-paharetana. Ny tsanganasa fiantrana ara-batana indrindra dia ny manome hanina ny noana, mampiantrano ny tsy manan-kialofana, ny manafy ny tsy manan-kotafiana, ny mamangy ny marary sy ny migadra, ny mandevina ny maty2 . Amin’ireny fihetsika ireny, dia ny fiantrana atao amin’ny malahelo3 no iray amin’ireo porofo fototra amin’ny fifankatiavana maha-mpiray tam-po : fanaovana ny marina koa izany, izay sitrak’ Andriamanitra4 :
Aoka izay manana akanjo roa hizara amin’izay tsy manana izany, ary aoka izay manan-kohanina hanao torak’izany koa (Lk 3,11). Izao ihany e : manaova fiantrana araka izay rehetra anananareo, dia hadio ny zavatra rehetra ho anareo (Lk 11,41). Raha misy rahalahy na anadahy, na rahavavy na anabavy mitanjaka, raha tsy ampy ny sakafon’izy ireo isan’andro, ka ny iray aminareo miteny amin’izy ireo hoe : “Mandehana amim-piadanana, manaova mafana tsara, manaova voky tsara”, nefa tsy omenareo azy ireo izay ilain’ny tenan’izy ireo, inona no soa azony amin’izany ?
- Jak 2,15-16
Twitter
Facebook
Instagram